((عوسجت يمحمد شظل بيه )) للشاعر صادق الصافي
((عوسجت يمحمد شظل بيه ))
للشاعر صادق الصافيانها اول قصيدة كتبها وكانت عام 1964 وقالها بحق صديقه ( محمد ) بعد وفاته في السجن لانه كان معتقلا بتهمة الانتماء للحزب الشيوعي انذاك ، وكان لدى محمد ارض زراعية جميله جدا كان يهتم بها ويرعاها ويسترزق منها وبعد وفاته اصبحت صحراء جرداء
يقول الشاعر في احد الايام صادف ان التقيت ام محمد وسألتها عن الارض فقالت ( عوسجت ) أي تصحرت ........
عوسجت
عوسجت يمحمد شضل بيها
مات سنبلها ويبس جاليها
مات سنبلها تولاها الحماد
وراح العذيبي تبدل بالرماد
ذاك الاقطاعي علن بيها مزاد
وجرت اذناب العجارب ليها
عوسجت يمحمد شضل بيها
عوسجت شفت فحط ناعورها
وماتت الخضرة بجميع طيورها
ركَصت الحية نست صاكَورها
واشتفت بيك الجنت شافيها
عوسجت يمحمد شضل بيها
عوسجت ما فاد وياها مطر
وانتخت نهرانها ومحد نغر
لا سواجي الماي ضلت لا سلم بيها نهر
ولا زنود العامرة وتسجيها
عوسجت يمحمد شضل بيها
قصيدة عكد الهوى
( عكَد الهوى ) التي كتبها وهو يشاهد مواكب الاعراس التي تسير بهذا الشارع وسط الناصريه ( الحبوبي الان ) والذي كان من اشهر شوارع الناصرية معاتبا له ومتمنيا ان يكون هو احدالعرسان في ذلك اليوم .
((عكَـــد الهــوى ))
طلبة وحدة
انة طير الكسر جناحة الهوى وذباني عندة
انة قيثارة بتوالي الليل مكَطوع الوتر محد يشدة
مامش بروحي سوالف ولا حلم ينشد وانشدة
والله لو عكَد الهوى المجبوح ينسد جنت اسدة
انتَ الما بكَت بالروح كل جلمة بعد بس جلمت انتَ
وانة كل ليلة اودي شموع عرسك واحسبك عريس
وانطي بشارة للكَالالي شفتة
شنهو عكَد الهوى شمالة ؟! هاي زفاتة شكثر
بالحلم لو كَال هاي الليلة زفتة
من جفن عيني لسوي ادفوف الك
ومن شرايين الكَلب محبسك صغتة
هذا كَلبي محالل وموهوب الك
بس لا تكض يفلان بتة
فدوة بهداي المعاتت والكَلب ما بيه عتة
وآنة خايف ينكَطع لن هوة أنت
أنت المابكَت بالروح كل جلمة بعد بس جلمة أنتَ
تعليقات
إرسال تعليق